معرفه طبيعه جسمك واختيار الملابس عليه
في بنات كتير جدا مبتعرفش تحدد
طبيعه جسمها هل هو علي شكل التفاحه ولا الكمتري ولا الساعه الرمليه ولا المثلث
المقلوب ولا المستطيل هعرفكوا ازاي تحددوا طبيعه جسمكوا...
أول جسم هو الجسم علي شكل الكمتري والجسم دا
بيكون فيه منطقه الحوض والأرداف أعرض من الجزأ
الاعلي من الجسم واللي بيتكون من منطقه الكتف الصدر الوسط البطن ف الجسم دا الهدف
منه ان احنا نقلل عرض الجزأ الاسفل من الجسم ونعرض شويه الجزأ الاعلي لو
هنتكلم علي الجزأ الأسفل يبقي هنلبس فيه حاجات
بسيطه جدا ونقاشات كبيره ومألم بالطول أما الجزأ الاعلي هنلبس
فيه حاجات نقشتها صغيره ومألم بالعرض وتكون فيها قصات كتير...
تاني حاجه الجسم ع شكل التفاحه عكس تماما
الجسم علي شكل الكمتري وفيه منطقه الكتف الصدر والبطن اعرض بكتير من منطقه الأرداف
والرجلين ف الجسم دا الهدف منه اننا نبينه ارفع شويه من فوق ونعرض من تحت
عشان نعمل توازن اللبس من فوق لازم يكون بسيط تماما نقشاته كبيره ومألم
بالطول أما بالنسبه للبس من تحت فهنجيب منفوش ومألم بالعرض وحاجات واسعه...
تالت جسم هو الجسم ع شكل الساعه الرمليه وفيه منطقه الكتف الصد الحوض
والارداف كلهاا بنفس البعد بس الوسط صغير بشكل ملحوظ النوع دا من الاجسام يعتبر
الجسم المثالي اللي كل الستات بتحاول توصله اهم حاجه لو جسمك ع شكل
الساعه الرمليه منلبسش حزام عريض او بنطلون او جيبه ليهم وسط عالي لان للاسف الوسط
العالي بيلغي خالص منطقه الوسط وبيحول الجسم من جسم
الساعه الرمليه لجسم ع شكل المستطيل...
رابع جسم هو الجسم ع شكل المستطيل الجسم دا معروف بان منطقه الكتف الصدر الوسط
الحوض والارداف بنفس العرض والهدف من الجسم دا نخلقله وسط ازاي نعمل كده
اننا نلبس لبس فيه قصات من فوق وحاجات منفوشه من تحت...
أخر جسم هو الجسم ع شكل المثلت المقلوب وفيه
منطقه الكتف أعرض من باقى الجسم الهدف من الجسم دا اننا نرفع شويه الجزأ
الاعلي ونعرض الجزأ الاسفل ع قد ما نقدر عشان كده هنلبس حاجات بسيطه جدا من فوق
لكن الحاجات اللي هنلبسها من تحت يكون فيها تفاصيل كتير ومنفوشه وياريت كمان نحاول
ع قد ما نقدر نتجنب اي حاجه فيها تفاصيل أو جيوب من الجزأ الاعلي من الجسم...
فكل اللي عليكي
دلوقتي تجيبي متر وتقيسي مقاس الكتف الصدر الوسط الحوض والأرداف
وتقارني الأرقام دي ببعض لو لاقيتي مثلا ان مقاس الكتف اعرض من باقي الجسم هتعرفي
ان جسمك ع شكل المثلت المقلوب أما لو العكس ولاقيتي منطقه الأرداف هي اعرض منطقه
عندك يبقي انتي جسمك ع شكل الكمتري...
ليست هناك تعليقات:
إرسال تعليق