أشياء بسيطه لتسهيل ومساعدتك علي اتقان
التفصيل والخياطه للمبتدئين
طب انا لسه مبتدأة في الخياطه ومش عارفه إيه
الادوات المهمه اللي هحتاجها وايه الاساسيات اللي لازم تتوفر عندك كمبتدأة.
أول حاجه موضوع الخياطه دا ليه حكاوي
كتير معايا وخصوصا ان انا كان عندي رهبه شديده من الماكينه فالموضوع كان
صعب جدا بالنسبالي وخصوصا ان أنا كنت أول مره أقعد علي ماكينه فكان ضروري أيدي
لازم تاخد علي الماكينه نزلت ورشه شويه ومشغل شويه وبقيت أرجع ادرب
في البيت مع نفسي وبوظت قماش في الاول بالهبل وحاجات تانيه كتير...
فعاوزه اعرفك إن الخياطه بتيجي بالممارسه أكتر عشان تقدري توصلي للمستوي
الاحترافي فيها وعشان توصلي للمستوي دا لازم تمارسيها علي طول...
اول حاجه هتتعلميها هي انك تاخدي المقاسات ودي
هتكلم عنها بالتفصيل مره تانيه...
تاني حاجه كان دايما معايا 2 نوت
واحده كنت بسجل فيها ف الكورس كل حاجه بطريقتي انا ال افهمها والطريقه دي انا
بفضلها جدا لانك لو نسيتي اي حاجه وانتي جايه تطبقي هتلاقي معاكي مرجعك...
والنوت التانيه لما كنت ارجع واستريح كنت ببص فيها بقي وانظم الكلام واحط استيكرز واظبط
الدنيا ف النوت دي عشان دي بالنسبالي هتبقي مرجعي...
مع العلم أنا من عشاق النوتس جدااا فممكن
تستبدليها بأجنده عندك او كشكول اي حاجه علي حسب رغبتك وتنظميها بطريقه كويسه...
تالت حاجه الماركر دا اللي
هتستخدميه لما بتيجي تاخدي المقاسات وتحطي علامه في المقاس وفي منه حوالي 10 الوان فانتي ممكن تجيبي اتنين واحد فاتح والتاني غامق
لان اللون لازم يكون معاكس للقماش يعني لو معاكي قماشه بيضه هتستخدمي عليها
الماركر الغامقه وهكذا...
طب في ايه بديل للماركر دا في الطباشير وفي انك ممكن
تجيبي صابونه
وتظبطيها وتعملي بيها بس الطباشير والصابون دا بيتشال بسرعه علي ما بتخلصي التفصيل بتلاقيه
اتمسح تلقائي ومسبش أي اثر...
تالت حاجه المساطر انا
بالنسبالي المساطر دي من اساسيات الخياطه ففي مجموعه مساطر بتاعت خياطه بتتباع علي
بعضها طيب انا مش بامكاني اجيب المجموعه ف الاول يبقي لازم يبقي معاكي مسطرتين
الاولي هيا المسطره الطويله والتانيه المسطره ال فيها زاويه قايمه
دول هتحتاجيهم جدا ع ما تجيبي المجموعه الكامله...
المساطر دي منها نوع خشب وفي منها نوع بلاستيك شفاف
انا انصحك لو مبتدأه بالنوع البلاستيك...
رابع حاجه ورق
التفصيل دا بيبقي ورق ذي بتباع اللوح كده في منه اللون البني وفي منه
اللون الابيض الورق دا بتحتاجيه انك بتعملي عليه الباترون
بتاعك يعني هتقصي علي الورق الاول وبعدين هتحطي الورق دا علي القماش وهدبسيه
بدبابيس وبعدين تقصي طيب انتي ممكن تستبدلي الورق دا بورق جرايد...
خامس حاجه دبابيس قماش...
ليست هناك تعليقات:
إرسال تعليق