تكمله لخطوات تصميم الازياء
نتكلم عن ازاى تبدأي تتعلمي الرسم طب انا مبعرفش
ارسم خالص أو بعرف بس مش متمكنه اوي او بعرف ومعنديش أفكار دلوقتي
المواقع الالكترونيه زى جوجل واليوتيوب عليه كل
حاجه كل حاجه حرفيا تقدري تتعلمي عليه.
ولو
عاوزه تنزلي تاخدي كورس انصحك انك تشوفي فيديوهات الاول وتاخدي خبره شويه وبعدين
تنزلي متنزليش ع عماكي كده ,طب بالنسبه للناس اللي بتعرف ترسم! فانتي حطي افكارك ع
رسم المانيكان بعد كده قومي بتنفيذه وتفصيله ...
الفيديو
ده يعلمك ازاى ترسمى المانيكان ..
واحب افكرك لو حابه مجال الازياء فالمغامره
فيه هتكون ممتعه جدا بالنسبالك لان المجال دا من اكتر المجالات فيها تجديد وتغيير
باستمرار ففي كل سنه بتظهر لنا الكتير من مواسم الموضه وبيتم اكتشاف اقمشه
جديده وخامات مبتكره كمان ان معظم الناس بتحب دايما الجديد يعني عندنا لون موضه
الشتا دا مش هو نفسه الشتا اللي فات معني كده ان اللون دا مش هيكون مرغوب في
الربيع الجاي...
فممكن توقع التوقعات دي يوقع ع المصمم بالسلب
او بالايجاب حسب كل مصمم فلو عندك مرونه بالتجديد فهتتأقلمي علي العنصر دا
وهتبدعي فيه اما لو كنتي متأخره دايما ف اكتشاف لون الموضه ع سبيل المثال قبل ان
يظهر للعامه فممكن تخسري ودي بيرجع لمدي خبرتك.
بعد كده صممي تصاميم تليق بالمجتمع اللي انتي عايشه فيه مبقاش قاعده ف مجتمع
مصري شرقي واروح اصمم ملابس شبه عاريه لان دا لا يرضي الله اولا تاني حاجه
مش هتتباع وهتخسري فيها ع الفاضي فراعي النقطه دي وان الاسعار تكون مناسبه.
ليست هناك تعليقات:
إرسال تعليق