الاكسسورات المناسبه مع الملابس المختلفه
الاكسسورات مهمه جدا ف حياتنا كبنات وبتبقي
حقيقي مكمله للطقم
وعشان
الاكسسورات بتيجي بأشكال وأحجام وألوان مختلفه دا بيخلينا شويه متلخبطين شويه ومش
عارفين ايه اللي نختاره مع لبسنا....
فأول حاجه هو
الحجم المناسب للاكسسورات بتاعتنا مش مستحب اننا نلبس اكتر من اكسسوار كبير ف نفس
الطقم بمعني ايه( كوليه كبير واسويره كبيره وخاتم كبير) لا مش مستحب كدا
خالص الافضل نلبس كوليه كبير مثلا ونكمله باكسسورات تانيه بسيطه ذي مثلا خاتم بسيط.....
تاني
حاجه هي ألوان الاكسسورات اختارو دايما الالوان
المتقابله اللي هيا ينفع تلبسيها علي اكتر من حاجه وكمان لازم يكون الاكسسوار
لون مخالف بالنسبه للطقم لان هدف الاكسسورات انها تبرز الطقم
مش تندمج معاه....
لو لابسه لبس
منقوش يبقي يفضل الاكسسوار بتاعك يكون ساده والعكس صحيح عشان لو لابسه لبس منقوش
واكسسوار منقوش فالاكسسوار هيتوه وسط هدومك
بس لو انتي
شايفه الاكسسوار بتاعك لايق ع اللبس المنقوش بتاعك عادي
البسيهم....
سؤال بيقابلني كتير
هو انا ينفع ادمج بين الاكسسورات الدهبي والفضي مع بعض أيوا طبعا ينفع
بس لو هنلبس حاجات بسيطه جدا لكن لو هنلبس قطع كبيره يبقي الأفضل تخلي الاكسسورات
الدهبي لوحدها والفضي لوحدها......
أخر
حاجه هو اختيار الاكسسوار المناسب لشكل جسمك يعني لو انتي
طويله اوي يبقي تتجنبي الاكسسورات الكبيره ولو انتي مليانه ف حته
معينه ف جسمك مينفعش نلبس عليها اكسسوار كبير عشان هتجذب النظر للمنطقه دي يعني
مثلا لو جسمك ع شكل التفاحه ياريت تتجنبي الكوليهات الكبيره اللي بتبقي ع
الصدر......
ليست هناك تعليقات:
إرسال تعليق