حاجات صغيرة بس بتفرق👌🏻
ذي ازاي نشتري الحاجات اللي احنا محتاجينها
فعلا من غير ما نروح ونرجع مشتريين حاجات ذي اللي عندنا أو حتي قريبه منها أو حتي
حاجات مش أساسيه وننسي المهم.
أول
حاجه نكتب كل اللي احنا عاوزينه والمكان اللي ممكن نجيبه منه والسعر لو متوقع يبقي
كام أو لو عارفينه وياريت كل ما ييجي ع بالكم حاجه تكتبوها ولو مبتحبوش أو
مبتفضلوش انكم تكتبوها في نوت اكتبوها في نوت علي الموبايل💜.
ل
تاني حاجه أهم حاجه التنظيم تخلي حاجتك كلها قدام عينك وعارفاها واللي مش بتستخدميه في الحاجات دي حاولي تتخلصي منه أول بأول او تعملي ليه إعاده تدوير أو تديه لحد أو تظبطيه لو مشكله في المقاس.
تالت حاجه ف نوعيه من الناس بيشتروا لبس عشوائي يعني حاجه لاقوها وهما ماشيين او كانو رايحيين يجيبوا حاجه محتاجينها فلو مش متوفره ولاقوا حاجه عليها تخفيض وقتها يجيبوها هيا وخلاص وفيما بعد ينسقوه مع بعضه أنا مبحبش الفكره دي لمعظم البنات انها تنفذها ,بمعني يعني انتي مثلا محتاجه تيشرتات وشيميزات وجيبات وميك اب ومنتجات وحاجات تانيه طب ازاي أرتب الحاجات دي؟!
طبعا لو فيه امكانيه هتجيبي كله لو مفيش الإمكانيه
هتخلي الاولويه للقطع الاساسيه طبعا أول حاجه الجيب الاسود لانه حتي لو مش هيبقي الاختيار الأمثل علي
كل لبسك مش هتقولك لا وهتمشي علي كل الشميزات بشكل معقول ولو مش محجبه
ممكن تستبدلي الجيب الاسود ببنطلون اسود مثلا او تلجي.
بعد كدا شوفي التيشرتات أو الشميزات تشوفي أكتر حاجه هتنفع لكذا استخدام ذي "القميص الجينز مثلا"تشوفي اكتر حاجه هتنفع لكذا حاجه يعني ممكن تمشي لوحدها وكمان ينفع تلبسي تحته تيشرت وتفتحيه وهكذا.
وممكن تلاقي قطعه مميزه وشكلها كيوت
جدا بس مش هتتلبس الا بشكل واحد بس يبقي تخلي الاولويه للحاجه اللي هتنفعك اكتر.
بعد
كده تشوفي الخامه مش عيب اننا نجيب لبس رخيص
أو مش من براند معروفه او مش من براند اصلا بس الفكره في الجوده
الفكره مش فى لو عندك كام قطعه بسيطه بس خامتها كويسه احسن مايبقي عندك لبس
كميات بس خامته وحشه فطبيعي هيبان رديئ غير ان الاسعار بقت قريبه من بعض ففعلا
الخامه الوحشه رمي فلوس.
اخر حاجه متخليش اللي بيشتغل في المحل يقنعك بحاجه انتي مش مقتنعه بيها لو مش حاسه براحه تامه من ناحيه الحاجه اللي هتشتريها ولو بنسبه صغيره جدا سبيها هتلاقي بعد كدا الدنيا مليانه بره في كذا مكان لكن متجيبوهاش تحت اي ضغط.
ليست هناك تعليقات:
إرسال تعليق