افكار الإنسان تتحكم في مستقبلة
عشان تقدر توصل للحلم اللي طول عمرك بتحلم بيه
لازم تثق ف نفسك ولازم تبطل تقارن نفسك باللي حواليك وتحس ان انتا أقل منهم...
ودا
مش هينفع يكون مجرد كلام مش هينفع ف يوم وليله تصحي تلاقي نفسك مبطل تقارن نفسك
باللي حواليك وف يوم وليله بقي ثقتك ف السما...
الكلام
دا بياخد مجهود بس اللي بيحط الكلام دا ف دماغه فعلا وبياخد قرار إن من النهارده
هيبطل يقارن نفسه باللي حواليه...
اللي
بياخد قرار هو الوحيد ال بيقدر يوصل ومفيش أي حد احسن من التاني لان احنا كلنا
مختلفين كل واحد فيه مميزاته وكل واحد فيه عيوبه, فأنتا لما بتيجي تقارن نفسك
بالناس اللي حواليك بتقارن عيوبك بمميزاته هو مش بتبص ع عيوبه عشان كده بتحس فعلا
انك اقل منه.
بس لو انتا قارنت عيوبك بعيوب الناس ومميزاتك بمميزات الناس هتحس ان
الناس كلها طبيعيه وان مفيش اي حد احسن منك.
فأول
خطوة هنا انك تبدأ تحب نفسك, تبدأ تثق ف نفسك, تبدأ تعرف ايه هيا مميزاتك, وايه هيا
عيوبك, وتصدق ان الناس كلها ليها عيوبها ومميزاتها,
اختلافنا عن بعض بيميزنا خليك مقيااس لنفسك. ♥
ليست هناك تعليقات:
إرسال تعليق