فن اختيار الملابس لتظهرك أطول
كتير مننا مش عاجبه الطول بتاعه
فشايفين الحل انهم يلبسوا جزمه بكعب ويتحملو
تعبها هقولك علي شويه نصايح لو اتبعتيها هتباني أطول من غير ما تحتاجي
تلبسي كعب...
أول حاجه هنعملها اننا هنتجنب أي فستان او جيب طولهم بينتهي
عند نص الرجل كمان هتتجنبي أي حاجه مألمه بالعرض عشان المألم بالعرض أصلا
معمول عشان يظهرك أعرض وأقصر...
تاني حاجه هنتجنب تماما إن احنا نلبس إكسسوارات كبيره ذي الأحزمه العريضه ذي السلاسل
الكبيره ذي الشنط الكبيره كل الحاجات دي بتاكل من حجم جسمك وتظهرك أقصر كمان
الشعر الطويل للاسف بيظهرك أقصر فأنتي لو مش محجبه جربي أعملي شعرك تسريحه يبان اقصر
او انتي تلميه...
أخر حاجه المفروض نعملها اننا نختار
اللبس مقاسنا بالظبط لا أكبر ولا أصغر عشان اللبس الكبير أوي والصغير هيظهرونا
أقصر للاسف...
فدلوقتي هنتكلم عن الحاجات اللي المفروض
تعمليها عشان تظهرك أطول...
جربي انك تلبسي فساتين وجيبات ماكسي الماكسي أصلا معمول عشان يظهرك أطول جربي كمان
انك تختاري البنطلونات بتاعتك تكون طويله شويه ونازله ع واسع والبسي تحتها
جزمه يكون كعبها مريح ليكي وعاليه شويه البنطلون الواسع الطويل هيداري الكعب خالص وهيحسسك
ان انتي طويله وفي نفس الوقت أكنك لابسه فلات...
وحاولي انك تلبسي طقم كامل بلون واحد
لو لقيتي الوان كتيره في نفس الطقم ممكن تقسم جسمك بشكل مش طبيعي وتظهرك أقصر وذي
ما قولنا الشعر الطويل هيظهرك للاسف أقصر فجربي اعملي شعرك كحكه كبيره فوق الراس
أو انك ترفعي شعرك ديل حصان عادي...
جزمتك كمان ليها عامل كبير جربي انك
تختاري جزمه يكون بوزها رفيع ووشها صغير دا هيدي رجلك طول وبالتالي هيحسسك ان انتي
أطول.
ليست هناك تعليقات:
إرسال تعليق